كتب احمد ذكي
ما تقوم به شركات تعبئة السكر جريمة بما فيهم المقربون #حرامية دعم فقراء الخصوص.
وانا كمواطن رافض لجشع التجار ابلغت عنهم لبيعهم منتج مدعم ليصل للمواطن ب (٧) جنيهات للكيلو بعدد افراد كل بطاقة تموينية فيقومون ببيعه ب (١١) & (١٢)& و (١٣) جنيه .
ده حقهم .. تجار جشعة وبتحب المال الحرام ودى فرصة من حقهم يستغلوها!!
ولكن من يشترى منهم اشد جرما لانه يساعد فى سرقة نفسه وهو عارف انه بيتسرق….. يعنى شريك فى الجريمة.
اوقفوا الشراء امام التجار وطلعوا موبايلاتكم واتصلوا بالنجدة واشهدوا باللى بيحصلكم فى محضر رسمى.
انا عن نفسى بروح اى مكان بشترى عادى ولو من غير فلوس ورغم كده ابلغت رئيس مباحث التموين بالقليوبية وجهات كتير مسئولة عن السلع الغذائية المدعمة وللاسف عرفت ان انا الوحيد اللى بلغ عن استغلال التجار على مستوى المحافظة.
لكل مواطن مصرى .. افتكر ان المنتجات دى مدعومة من مال الشعب … للمواطن اللى زيي وزيك
